❐ ❐ ❐ ❐ ❐ ❐ ❐ ❐ ❐ ❐ ❐ ❐ ❐ ❐ ❐ ❐
(၁) အတိသဉ္ဇာနဂရော
(၂) ကူးသိမ်(ကုသိမ်)
(၃) ကုသိမ-ပုသိမနဂရ
မွန်ဘာသာ = ပသိင်
ပသီလူမျိုးအခေါ် = မြို့ပသီ
တလိုင်းကရင်အခေါ် = ဝေ့ပသီ
(၄) ပသီမြို့
(၅) ပုသိမ်မြို့
(၆) နဂရဝေပုလ္လ
(၇) ကော့သ္မိန်
-----------------------------------------
(၁) အတိသဉ္ဇာနဂရော
ရှေးဟောင်းရွှေတိုက်တော်စာတမ်းတွင်
"အတီတေသဉ္ဇာနံ ရမ္မတီတိ အတိသဉ္ဇာ နဂရော" ဟုဖော်ပြထားပါသည်။ အဓိပ္ပါယ်မှာ "ရှေးကအလွန်ပျော်မွေ့ဖွယ်ကောင်းသောမြို့" ဖြစ်သည်။
--------------------------------------------
(၂) ကူးသိမ် (ကုသိမ်)
သာသနာသက္ကရာဇ် ၅၅၀ ပြည့်နှစ် တွင် သရေခေတ္တရာ ပြည် ရန်မုက္ခမင်း လက်ထက်တွင်
သီဟိုဠ်ကျွန်း၌ ဒုဗ္ဘိက္ခန္တရ ကပ်ဆိုက်ရောက်ခဲ့တဲ့အတွက် ယခုလက်ရှိ ပုသိမ်မြို့(အတိသဉ္ဇာနာဂရ) သဘောင်္ဆိပ်သို့ ရဟန္တာအရှင်သူမြတ် ၃၀၀၀ ကျော်ခန့်အထိ ကူးကြွတော်မူခဲ့ပါသည်။ အချို့မှာ ကျန်ခဲ့၍ အချို့မှာ မဇ္ဈိမဒေသနှင့် သရေခေတ္တရာပြည်သို့ပြန်ကြွသွားခဲ့ပါသည်။ အတိသဉ္ဇာနာဂရမြို့သည် နိဗ္ဗာန်မဂ်ဖိုလ် သို့ကူးရာ ဆိပ်ကမ်းမြို့သဘောမျိုးဖြင့် ကူးသိမ်(ကုသိမ်) ဟုခေါ်ဝေါ်သမုတ်ခဲ့ကြသည်။
-----------------------------------------------
(၃)ကုသိမ=ပုသိမနဂရ
ထို့နောက်ကုသိမ်မြို့ကိုမွန်လူမျိုးများက ပသိင်။ ပသီလူမျိုးများ ကမြို့ပသီ။ တလိုင်းကရင်များ က ဝေ့ပသီ ဟုခေါ်ဝေါ်ခဲ့ကြပြီး ပါဠိ အရေးအသား တွင်
(ကုသိမ=ပုသိမနဂရ) ပြောင်းလဲခေါ်ဝေါ်ခဲ့ကြသည်။
-----------------------------------------------
(၄) ပသီမြို့
ခရစ် နှစ်သက္ကရာဇ် ၁၂၂၁ မှ ၁၂၃၃ အထိ ပုသိမ်မြို့ကို ပသီ ကုလားမင်းများအုပ်ချုပ်ခဲ့သောကြောင့် ပသီမြို့ဟုခေါ်တွင်ခဲ့သည်။
----------------------------------------------
(၅) ပုသိမ်မြို့
ခရစ် သက္ကရာဇ် ၁၂၃၃ တွင် တလိုင်းမင်းသား ဂုဏ္ဋဝညီနောင်တို့က ကုလားမင်းသားအားလုပ်ကြံ၍ ဂုဏသာရမင်း ၈-နှစ်။ ညီတော် ဂုဏသာရီမင်း ၉-နှစ်။
သာသနာပြုသမုဒ္ဒယော ၏ခမည်းတော် ၁၃-နှစ်တို့ စိုးစံချိန် အထိ ပုသိမ်မြို့အမည်ဖြင့် သမုတ်ခဲ့သည်။
----------------------------------------------
(၆) နဂရဝေပုလ္လ
ခရစ်နှစ် ၁၂၆၃ ခုနှစ် သမုဒ္ဒကောသမင်းနှင့် ဥမ္မာဒန္တီ တို့လက်ထက်တွင် ပုသိမ်မြို့သည် အလွန် စည်ပင်သာယာခဲ့သဖြင့် နဂရဝေပုလ္လ ဟုအမည်တွင်ခဲ့သည်။
----------------------------------------------
(၇) ကော့သ္မိန် (Cosmin)
ခရစ်နှစ် ၁၅၈၆ ခု။ သာသနာသက္က္ကရာဇ် ၉၄၈ ခုနှစ် တွင် အင်္ဂလိပ် လူမျိုးထဲမှ မြန်မာနိုင်ငံ သို့ပထမ ဆုံးရောက်လာသူ Mr. Ralph Fitch မှတ်တမ်းအရ ပုသိမ်မြို့ကို မွန်ဘာသာဖြင့် ကော့သ္မိန် အင်္ဂလိပ်နံမည် ဖြင့်(Cosmin) ဟု ခေါ်ဝေါ်ခဲ့သည်။
----------------------------------------------
ပုသိမ်ဟုခေါ်ရသည့်အကြောင်းရင်း
______________________________
ကုလားကျမင်း နရသူ၏သားတော်မင်းရဲနရသိင်္ခ က ရန်ဘက်ဖြစ်သော ပဋိက္ခရား ကုလားမင်းတို့ နှင့်စစ်ရေးပြိုင်ဆိုင်ရာတွင် ပုသိမ်မြို့အားခံတပ်မြို့အဖြစ်သတ်မှတ်ခဲ့သည်။ ထို့နောက် နေမိတ္တကကျမ်း ရာဇမတ္တံကျမ်း သရောဓရကျမ်း သရဝိဇ္ဇောဓရကျမ်း ဇော်တိဓိပိကာကျမ်း အစရှိသည့် ဗေဒင်ကျမ်းကြီးများနှင့်နှိုင်းယှဉ်၍ ကုသိမ် (က.န.သ) မှာရန်ဂြိုလ်ဖြစ်နေသည့် အတွက် က-အစား အောင်ဓာတ် မိတ်ဓာတ်ဖြစ်သော ပ-အက္ခရာကို ယူ၍ ကုသိမ် မှ ပုသိမ်ဟုပြောင်းခဲ့သည် ။
No comments:
Post a Comment